17-тӥ толшоре Калыкъёслэн Эшъяськон юртазы ӟуч но немец литератураез но крезьгурез гажасьёс люкаськозы.

Пумиськон радъяське Удмуртиысь писательёслэн союззылэн «Родное слово» ӵектонзы улсын.

Куноослы дасямын немец калын кырӟанъёс но кылбуръёс, литературно-музыкальной композици.

Кылзӥськем но учкем сяна, куноос писательёсын ӵошен Гетелэн «Лесной царь» кылбурез вылын эскерозы немец кылысь ӟуч кылэ берыктон ужпумъёсты, шуг-секытъёсты.

Бӧрысь пумиськон ӝытэз азинтозы Удмуртиысь немец лулчеберетъя автономилэн «Зовизо» но «Омас» коллективъёсыныз дасям крезьгуро номеръёс. Чузъяськозы Россиысь немец поэтлэн Виктор Шниткелэн кылбуръёсыз но агезлэн, тодмо крезьгурчилэн, Альфред Шниткелэн крезьгуро композициез. Йылпумъяськоз ужрад «эрико микрофонэн» – котькуд мылкыд карись быгатоз лыдӟыны сюлэмаз кельшись кылбур чуръёсты.