2-тӥ куартолэзе 2006- тӥ аре юнматэм «Россия Федерациысь кунмуртъёслэсь вазиськонъёссэс эскеронлэн радлыкез сярысь» Федерал катэз но кунмуртъёслэсь кун ёзэсъёсы вазиськыны луоно эрикрадзэс быдэстон вылысен, Министерствоын кунмуртъёслэсь вазиськонъёссэс эскере.
Кунмуртъёслэсь вазиськонъёссэс, соосты эскерон ужкагазъёсты кутэ, пусйылэ делопроизводствоез нуись ӧнерчи. Гожтэт пыр вазиськонъёсын пусъемын луыны кулэ ёзэслэн яке вазиськоно муртлэн нимыз, вазиськисьлэн нимтулыз, солэн улон, ужан яке дышетскон интыез, телефон номерез, гожтэт гожтэм дыр но кинюртэм.
Гожтэтъёс пусйисько вуэм нуналазы.
Таӵе вазиськонъёс уг эскерисько:
– Вань ке урод, ултӥясь кылъёсыз;
– Лыдӟыны луонтэм почеркен гожтэмын ке. Таӵе учыръёсы вазиськись адямилэн адресэз тодмо ке, солы 5 нунал куспын ивортон келяло, гожтэтсэ лыдӟыны уг луы шуыса;
– Нимтэм гожтэтъёс, соос архиве келясько;
– Гожтэтъёс, кудъёсаз вань пӧртэм пумо кышкатъяськонъёс, лэсьтоно яке лэсьтэм йыруж сярысь ивортодэт, соку ик келясько эрикрад утись ёзэсъёсы.
Кылын верам вазиськонъёс эскерисько соку, куке вазиськон учыр яке ужрад валамон луэ, кулэ уг кары ватсаса эскеронэз, вазиськись мурт тодмо луэ.
Кылын верам вазиськонъёс уг пусйисько, соослы валэктон кылын гинэ сётӥське.
Телевидениын яке радиоын меӵак эфирын, телефон пыр, яке министрен пумиськонын сётэм юанъёс нимысьтыз эскеронэз кулэ ке каро, 5 нунал куспын пусйисько но кулэ ёзэсъёсы, удысэтъёсы келясько.
1. 2-тӥ куартолозе 2006-тӥ аре юнматэм «Россия Федерациысь кунмуртъёслэсь вазиськонъёссэс эскеронлэн радлыкез сярысь» Федерал катъя Министерсвоын эскерисько кунмуртъёслэн асьсэ коже яке коллективен гожтэм ӵектонъёссы, ӝожтӥськонъёссы, гожтэтъёссы (азьланяз – вазиськонъёс).
2. Вазиськонъёс одно ик пусйисько Министерствое вуэм дырысенызы 3 нунал куспын.
3. Министерстволэн инлыказ пырисьтэм юанъёсын гожтэтэз 7 нунал куспын келяло мукет ёзэсъёсы. Вазиськисьлы та сярысь ивор келяське.
4. Министерстволэн адресаз вуэм гожтэтъёсты эскерыны сётӥське 30 нунал. Куд ог дыръя та дыр кузятӥськыны быгатэ, но 30 нуналлэсь трослы уг. Вазиськонэз эскерон дырлэн кузямез сярысь гожтэтлэн авторезылы ивор келяське.
5. Вазиськонлы дасям валэктон пусъем адресъя почтая келяське.
6. Нимтэм но адестэм вазиськонъёслы валэктонъёс уг келясько (лэсьтэм яке лэсьтоно йыружъёс сярысь гожтэтъёс келясько эрикрад утись ёзэсъёсы).
7. Вазиськонъёс, кудъёсаз вань урод яке ултӥясь кылъёс, Министерстволэсь ӧнерчиослэн яке соослэн семьязылэн улонзылы кышкытлыко тодэтэн, лыдӟыны луонтэн почеркен гожтэм гожтэтъёс уг эскерисько. Таӵе вазиськонъёслэн авторъёссылы та сярысь ивор келяське.
8. Уг эскериськы гожтэт, кудаз вазиськонлы валэктон сётон кулэ ке каре кун лушкес усьтэмез. Та сярысь гожтэтлэн авторезлы ивор келяське.
9. Министерстволэн вань эрикрадэз, кудӥзъя со кунмуртлэн юанэзлы валэктон сётытэк быгатэ. Кунмурт одӥг юанэныз трос пол (куиньлэсь ятыр) вазиське ке Министерствое, но котькуд со юанэзлы валэктон басьтэ – таӵе учыре Министерство та эрикрадзэ уже кутыны быгатэ.