1-тӥ тулыспалэ 2023-тӥ аре «Анай но нылписыз йӧскалык кстюмъёсын» («Мама и дети в национальных костюмах») 4-тӥ Калыккуспо туспуктэмъёсъя вожвылъяськон аслэсьтыз ужзэ кутскиз.

Ужрадлэн азьмугъёсыз:

– «Анай но нылписыз – йӧскалык костюмъёсын» 4-тӥ Калыккуспо туспуктэмъёсъя вожвылъяськонэз ортчытон;

– Россиысь калыкъёслэсь аспӧртэмлыксэс утён но азинтон;

– Йӧскалык дӥсьёсты возьматон пыр нимысьтыз площадка кылдытон, кудӥз Россиысь пӧртэм конфессиё но политика шоры учкеменызы висъяськись калыкъёсты огазеялоз;

– Семья сям-йылолъёсты утён;

– Кырӟанъёс пыр пӧртэм калыкъёслэн лулчеберет узырлыкенызы но аспӧртэмлыко луэменызы, эшъяськон мылкыдэнызы тодматон.

Вожвылъяськонэ, анайёс но нылпиос сяна, атайёссы, песянайёссы, песятайёссы но мукет тунсыкъяськисьёс пыриськыны быгато.

Туэ радъясьёс выль номинация ялӥзы – «Колыбельная песня на родном языке» кырӟанъя вожвылъяськон. Таяз люкетэ пыриськон понна, видеое гожтэм кырӟанэз электрон адресъя келяно ethno-photo-vocals@yandex.ru.

Заявкаосты 1-тӥ тулыспалысен 1-тӥ куарусёнозь келяно. 25-тӥ куартолэзёзь вожвылъяськонлэн вотэсбамаз йылпумъянъёс лэсьтэмын луозы. Отын ик вормисьёсты но возьматозы. Пыр-почгес вотэсбамын: https: www.ethno-photo.com