29-тӥ тулыспалэ Калыкъёслэн Эшъяськон юртазы «Ӵошен улон -тупаса улон» вожвылъяськонлэн йылпумъян ужрадэз ортчиз.

Ӵектослэн кивалтӥсезлэн О.И. Дородовалэн ивортэмезъя, вожвылъяськонэ 1700 заявка сётэмын вал, 2000 ятыр ужъёс.

Та нуналэ Калыкъёслэн Эшъяськон юртазы элькунмылэн пӧртэм сэрегъёсысьтыз 400-лэсь трос пиналъёс, вожвылъяськонлэн лауреатъёсыз, вуизы. Радъямын вал литература ужъёсын адӟытон, слайд-шоу возьматон, калык шудонъёсын шудон, кырӟан-эктонъёс. Котькуд пинал ужрадэ пыриськемез понна сертификатэн пусъемын вал.

Ужрадъясьёс: Ижкарысь лыдӟетъюртъёслэн сӧзнэтсы,

Егитъёслэсь но нылпиослэсь огазеяськонзэс азинтонъя элькун центр,

Удмурт Элькунысь йӧскалык политикая министерство

Удмурт Элькунысь физкультурая, спортъя но егитъёсын ужан политикая министерство.

Туспуктэм: «Легенда италмас», автор – Кузьмина Оля,13 арес.