10-тӥ гудырикошконэ Воткакарысь Благовещенской черкын литургия ортчиз, кудзэ Ижкарысь но Удмуртиысь митрополит Викторин радъяз. Ужрадэ озьы ик пыриськизы йӧскалык политикая министр Эдуард Петров но УЭ-ысь Тӧро но Кивалтэт Администраци кивалтӥсьлэсь ужзэ быдэсъясь Александр Журавлев.

Служба бере Благовещенской черкез тупатон муген, озьы ик та уже ужбергатӥсьёсты, мыло-кыдо адямиосты кыскон муген кенешон ортчытэмын вал. Тодэ вайытоно, черкез выльдытонъя уж 2006-тӥ аре кутскиз ни.

2021-тӥ арын Удмуртилэн Тӧроезлэн Александр Бречаловлэн косэмезъя Благовещенской соборез тупатонъя попечительской совет кылдытэмын.
Та нуналъёсы черклэсь пушсэ лэсьтыны кутскизы – штукатурить карон, боддоръёсты суредан, выжъёсты, балконъёсты, югдытӥсь приборъёсты пуктон.

Благовещенской черк – элькунысь РФ инлыкен лулчеберетъя объект луэ. Со, Удмурт Элькунлэн сяна, быдэс дуннелэн историез, малы ке шуоно татын вӧсямын вал тодмо крезьгурчи Пётр Ильич Чайковский. Татын со нырысьсэ черк крезьгурен тодматскиз, кудзэ берло ачиз но гожъяз. Талы луыса, вордскем интызэ сяна, быдэс Россиез сиё-дано кариз.

Черкез тупатон Воткакарлэсь туризм удысысь аспӧртэмлыксэ ӝутыны быгатоз. Мылкыд карисьёслэн юрттыны луонлыксы вань, та ссылкае пырыса.