6-тӥ шуркынмонэ 2022-тӥ аре Россия Федерациысь йӧскалык гвардиысь ожгарчиослэн валтӥсь черказы (Москваын) архимандрит Павелэз (Белокрыловез) Сарапулэ но Можгае епископ карон понна хиротония ортчытэмын вал. Сарапул карысь Покровской кафедральной соборе та ужрадэ городлэн но Сарапул ёрослэн кивалтӥсьёссы Виктор Шестаков но Игорь Асабин вуиылӥзы.

Озьы ик Владыкалы ӟечкылан кылъёс вераз УЭ-ысь йӧскалык политикая министр Эдуард Степанов. Со пусйиз, макем бадӟым уж лэсьтӥз вуоно Владыка Ижкар епархилэн Вотка округаз тыршон вакытаз, уката ик черкъёсты пуктон но соосты выльдон-тупатъян, тӧрлык ёзэтъёсын но конфессиосын кусыпъёсты муромытон удысъёсын. Ваньмыз со Владыкалэн лул-кужымез, авторитетэз но быгатонлыкъёсыз бордысь потэ. Озьы удмурт музъем вылын тупаса но огазеяськыса улонлы умой инъет кылдэ.

Тодэ вайытом, Сарапул епархия кылдытэмын Ижевск епархилэн огинэтысьтыз мозмытыса, Священной Синодлэн (25–26-тӥ толсуре 2013-тӥ аре) пумкылъянэзъя, соку ик Удмурт митрополилэн огинэтаз пыртэмын. Синод кивалтӥсь архиерейлы «Сарапульский и Можгинский» титул сётӥз.