Удмурт Элькунысь муниципал кылдытэтъёсын Россия Федерациысь кун йӧскалык политикая Стратегиез азинтон улсын, УЭ-ысь йӧскалык политикая министерство 12-тӥ коньывуонэ Шарканын «Миннацлэн нуналъёсыз» ужрад радъялоз.

Ужрадлэн программаез:

– пленарной люкаськон, кудаз кенешон луоз Шаркан ёрослэн мерлыко-экономической но мерлыко-политической азинсконэз сярысь, Кун йӧскалык политикалэн Стратегиезлэн ужпумъёсыныз тодматон.

– нылпиосты дышетон удысын экстремизмлэсь но терроризмлэсь утиськонэн тодматон;

– СОНКО-ысь ёзчиослы ӵектосъёсъя секция – ӵектосъёсты эскерон но тупатон азьланяз грант вожвылъяськонъёсы пыриськонлы;

– коммерциен герӟаськымтэ огазеськонъёслэн катрадлыкын выльдӥськонъёссы сярысь ивортодэт;

– муниципал кылдытэтын этносоциальной ужпумъёсты эскерон но терроризмлы пумит нюръяськонъя муниципал ӧриысь подъясеныз пумиськон;

– министр калыкен нимысьтыз пумиськон радъялоз. Вань мылкыд карисьёс Эдуард Петровлы, Удмурт Элькунысь йӧскалык политикая министрлы, сюлмаськытӥсь юанъёссэс сётыны быгатозы. Кенешонэ пыриськоз Шаркан ёрослэн Кивалтӥсез Василий Муклин;

– 2024-тӥ арын «Гербер» ортчытонэз радъян комитет.