Ужрадэ пыриськыны быгато крезьгур дэменлыкъёс, дуэтъёс но нимаз кырӟасьёс, кудъёсыз казак лулчеберетлэсь пуштроссэ усьто. Ӵектослэн азьмугез – ӟуч казак сям-йылолэн герӟаськем лулчеберетэз утён но вӧлмытон, Элькунысь дэменлыкъёслэсь творческой герӟетъёссэс паськытатон.

Вожвылъяськонлэсь йылпумъянъёссэ лэсьтэ жюри, кудаз пыро вокально-хоровой жанръя ӧнерчиос, озьы ик Калык Эшъяськон юртысь но Элькунысь калык устолыкъя юртысь огмуртъёс.

Фестиваль-вожвылъяськонын луозы казак калык шудонъёс, нош йӧскалык сиён-юонъя тунсыкчиосты возьмалоз казак сиён-юонъёсты веръян-шӧмъян.

Фестивальлэн программаез:

9.30-11.30 — пыриськисьёслэн вуэмзы, соосты пумитан но регистрация, репетициос;

11.30-12.00 — казак сиён-юонъёсты веръян-шӧмъян;

12.00-12.30 — фестиваль-вожвылъяськонысь куноосты но пыриськисьёсыты огъя фотое пуктон, йӧскалык казак шудонъёсын программа;

13.00 — «Вольница» фестиваль-вожвылъяськонэз усьтон.

Эгра ёросысь Лулчеберетъя но спортъя «Нефтяник» дворец | Эгра, Нефтяник микрорайон, 34.

«Вольница» фестиваль-вожвылъяськон – вормисе потэм проект, кудӥз быдэстӥське Президент ӵектосъя фондлэн юрттэмез улсын.