9-тӥ толсуре Калыкъёслэн Эшъяськон юртазы «Вместе» Ассоциацилэн кылдэм дырысеныз 15 ар тырмонэзлы сӥзем ужрад ортчиз.

Огазеяськонлэн ужез Удмуртиын улӥсь калыкъёс куспын тупаса улонэз утёнлы но вӧлмытонлы сӥземын. Ассоциацие пыро пӧртэм йӧслыко егитъёслэн огазеяськонъёссы: ӟуч, удмурт, бигер, армян, азербайджан, еврей, немец, пор, но кореец. Котькуд калык аспӧртэмлыко, аслаз улон шоры учконъёсыныз. Но та егитъёсты огазея асьсэ калыксэс яратон но мукет калыкъёсты гажан.

Удмурт Элькунысь йӧскалык политикая министрлэн воштӥсез Л.Ю. Соковикова тау кариз егитъёслы быгатыса ужамзы понна, тупаса улонэз юнматон но экстремизм пумит нюръяськон удысын бадӟым уж нуэмзы понна. Пусйиз огазеяськонлэсь туннэ нуналлы туж кулэ луись ӵектосъёсты быдэстэмзэ.

Ассоциацилэсь тужгес но ӟеч ужась ёзчиоссэ Йӧскалык политикая министерстволэн таукаронэныз данъязы. Ужрадэ пыриськизы огазеяськонлэн та дыр куспын воштӥськем кивалтӥсьёсыз. Соос нимысьтыз кузьымъёсын пусйемын вал..