15-тӥ куарусёнэ Удмурт Элькунын нырысьсэ тужгес но берлоосыз пӧлысь улос шулдыръяськонэз ортчытозы – Йӧскалык костюмлэсь нуналзэ. 27-тӥ инвожое та ужрадэз юнматӥзы Кун Советысь тямысетӥ сессияз депутатъёс «О праздничных днях и памятных датах Удмуртской Республики» нимо катын, со арлы быдэ пусйиськоз куарусёнлэн куинетӥ удмуртарняяз.

Удмурт Элькунлэн улосвылаз 130-лэсь трос йӧскалыкъёс уло. Йӧскалык костюм нуналлэн пусъёнэз ӟеч бускель кусыпъёслэн, эшъяськонлэн, котькуд калыклэсь историзэ гажаса но тунсыкъяськыса дышетонлэн тодметэз луоз.

Йӧскалык костюм нуналлы сӥзем ужрадъёс ортчозы муниципал кылдэт улосвылъёсын. Та нуналэ этнической коллекциослэн возьматонзы, мастер-классъёс, адӟытонъёс, экскурсиос но лекциос малпамын, соос ортчозы Удмурт Элькунысь тросаз лулчеберет ужъюртъёсын, ДПИ центръёсын, клубъёсын, каръёслэн но ёросъёслэн огазеяськонъёсазы.

Йӧскалык костюм нуналлэн валтӥсь ужрадэз – муниципал ужъёсъя «Мир в диалоге» нимо улоскуспо форум, кудӥз Калыкъёслэн Эшъяськон юртазы 10 часын кутскоз.