УЭ-ысь Йӧскалык политикая министерство Удмурт Элькунысь муниципал кылдытэтъёсын ӵош Россия Федерациысь кун йӧскалык политикая стратегиез улонэ пыӵатон удысын нимысьтыз бадӟым уж нуэ.

Та стратегия улсын 17-тӥ шуркынмонэ Яр ёросын «Миннацлэн Нуналэз» ужрад ортчоз.

Ужрадлэн программаяз:
• Элькунысь этноконфессиослэн кусыпъёссы сярысь иворъёсты веран;
• Школаосын терроризмлы но экстремизмлы пумит нюръяськон;
• СОНКО-ын тыршисьёс понна проектлы сӥзем сессия.

Та ужрадэ Йоскалык политикая министр пыриське, со Яр ёросысь улисьёсын пумиськоз но таӵе юанъёсты ӝутоз: йӧскалык но конфесси кусыпъёс, муниципал кылдытэтъёсын улӥсь калыкъёслэсь лулчеберетсэс но кылзэс утён ужпумъёс.