Удмурт Элькунысь йӧскалык политикая министерство коммерциен герӟаськымтэ мерлык огазеяськонъёслы (СОНКО) коньдон сётонъя вожвылъяськон ялэ. Коньдонэн юрттэт кун йӧскалык политика удысын ӵектосъёсты но ужрадъёсты улонэ пыӵатон понна сётӥськоз.

Вожвылъяськонэ пыриськыны быгато:

1. Юридик мурт луыса регистрация ортчем Удмурт Элькунын ужась огазеяськонъёс;
2. Огазеяськонъёс, кудъёсызлэн выт, утет, пеня, штраф, процент тыронъя ужзы быдэстэмын;
3. Кудъёсызлэн Удмурт Элькун коньдэтэ пунэм тыронзы ӧвӧл;
4. Реорганизация, ликвидация, банкрот луон ужрадъёсы уг пыриськы но судлэн решениезъя ужзэс уг дугдыто;
5. Ужаны быгатӥсьтэм (дисквалифицировать карем) адямиослэн реестразы сюрымтэ огазеяськонъёс;
6. Кунгожсьӧрысь, озьы ик Россия шаерысь, юридик мурт луисьтэм, кудъёсызлэн индылонрад капиталазы кугожсьӧр муртъёслэн пыриськон люкетсы, офшорной зонаос регистрацилэн интыез луэмен, 50%-лэсь тросгес луэ;
7. Удмурт Элькун Кивалтэтлэн 27-тӥ оштолэзьысен 2018-тӥ арлэн 157-тӥ номеро постановлениезъя элькун бюжетысь коньдон басьтӥсьтэм огазеяськонъёс;
8. Пӧяськись поставщикъёслэн (подрядчикъёслэн, быдэсъясьёслэн) реестрзы ӧвӧл

Конкурсэ пыриськон понна заявкаосты 28-тӥ оштолэзьысен  29-тӥ куарусёнозь 2023 аре Министерствое электрон форматэн но кагаз вылын ваёно.