Удмурт Элькунысь йӧскалык политикая министерство коммерциен герӟаськымтэ мерлык огазеяськонъёслы (СОНКО) коньдон сётонъя вожвылъяськон ялэ. Коньдонэн юрттэт кун йӧскалык политика удысын ӵектосъёсты но ужрадъёсты улонэ пыӵатон понна висъяськоз.
Вожвылъяськонэ пыриськыны быгато:
1. юридик огмурт луыса регистрация ортчем Удмурт Элькунын ужась огазеяськонъёс;
2. огазеяськонъёс, кудъёсызлэн выт, утет, пеня, штраф, процент тыронъя ужзы вожвылъяськонэ пырон нуналлы быдэстэмын луоз;
3. кудъёсызлэн Удмурт Элькун коньдэтэ пунэм тыронзы ӧвӧл;
4. кудъёсыз реорганизация, ликвидация, банкрот луон ужрадъёсы уг пырисько но судлэн пумкылъянэзъя ужзэс дугдытэмын луыны уг быгато;
5. ужаны быгатӥсьтэм (дисквалифицировать карем) адямиослэн, уката ик проектъя кивалтӥсьлэн но валтӥсь бухгалтерлэн, реестразы сюрымтэ огазеяськонъёс;
6. кунгожсьӧрысь, озьы ик Россия шаерысь, юридик огмурт луисьтэм огазеяськонъёс, кудъёсызлэн индылонрад капиталазы кугожсьӧр муртъёслэн пыриськон люкетсы, офшор зонаос регистрацилэн интыез луэмен, 50%-лэсь тросгес луэ;
7. Удмурт Элькун Кивалтэтлэн 27-тӥ оштолэзьысен 2018-тӥ арлэн 157-тӥ номеро пуктэтэъя элькун бюжетысь коньдон но субсидия басьтӥсьтэм огазеяськонъёс;
Герӟаськоно тодэтъёс – Удмурт Элькунысь йӧскалык политикая министерство, 426063, Удмурт Элькун, Ижкар, Орджоникидзе урам, 33б.
Телефон: (3412) 68-77-98 (доб. 143).
Электрон почта: mail@mn.udmr.ru