Удмурт Элькунысь йӧскалык политикая министерство коммерциен герӟаськымтэ мерлык огазеяськонъёслы (СОНКО) коньдон сётонъя вожвылъяськон ялэ. Коньдонэн юрттэт кун йӧскалык политика удысын ӵектосъёсты но ужрадъёсты улонэ пыӵатон понна висъяськоз.

Та вожвылъяськон Удмурт Элькунлэн «Этносоциальное развитие и гармонизация межэтнических отношений», «Удмурт Элькунысь кун кылъёсты но Удмурт Элькунысь мукет калыкъёслэсь кылъёссэс утён, дышетон но азинтон» кун программаосты быдэстон улсын ортчытӥське но коммерциен герӟаськымтэ мерлык огазеяськонъёслэсь йӧскалык кусыпъёсты умоятонъя но экстремизмлэсь, терроризмлэсь утиськон профилактикая удысъёсын нуэм ужъёссылы юрттэт сётыны но стимулировать карыны ӧръямын.

Вожвылъяськонэ пыриськыны быгато:

1. юридик огмурт луыса регистрация ортчем Удмурт Элькунын ужась огазеяськонъёс;
2. огазеяськонъёс, кудъёсызлэн выт, утет, пеня, штраф, процент тыронзы вожвылъяськонэ пырон нуналлы быдэстэмын луоз;
3. кудъёсызлэн Удмурт Элькун коньдэтэ пунэм тыронзы ӧвӧл;
4. кудъёсыз реорганизация, ликвидация, банкрот луон ужрадъёсы уг пырисько но судлэн пумкылъянэзъя ужзэс дугдытэмын луыны уг быгато;
5. ужаны быгатӥсьтэм (дисквалифицировать карем) адямиослэн, уката ик проектъя кивалтӥсьлэн но валтӥсь бухгалтерлэн, реестразы сюрымтэ огазеяськонъёс;
6. кунгожсьӧрысь, озьы ик Россия шаерысь, юридик огмурт луисьтэм огазеяськонъёс, кудъёсызлэн индылонрад капиталазы кугожсьӧр муртъёслэн пыриськон люкетсы, офшор зонаос регистрацилэн интыез луэмен, 50%-лэсь тросгес луэ;
7. Удмурт Элькун Кивалтэтлэн 27-тӥ оштолэзьысен 2018-тӥ арлэн 157-тӥ номеро пуктэтэзъя, элькун бюжетысь коньдон но субсидия басьтӥсьтэм огазеяськонъёс;
8. пӧяськись поставщикъёслэн (подрядчикъёслэн, быдэсъясьёслэн) реестрзы ӧвӧл.

Коммерциен герӟаськымтэ мерлык огазеяськонъёслы (СОНКО) коньдон сётонъя вожвылъяськонэ пыриськон понна таӵе ужкагазъёсты дасяны кулэ:

кун йӧскалык политикаез улонэ вӧлмытонлы сӥзем СОНКО ӵектосъёслы субсидия курон (одӥг ӵектослы курем коньдон 140 000 манетлэсь тросгес луыны кулэ ӧвӧл, проектъёсты быдэстыны кулэ 2024-тӥ аре инвожо-пӧсьтолэзь куспын):

– конкурсэ пыриськон понна 1-тӥ номеро формая заявка«.doc»электрон форматэн но кагаз вылын;

– 1-тӥ номеро формая ӵектослэн ивортодэт картаез;

– 1-тӥ номеро формая коньдонбуръя но экономикая уксё быдтонлэн валэктонэз ӵектосэз улонэ вӧлмытон понна;

– коммерциен герӟаськымтэ мерлык огазеяськонлэн уставезлэн копиез, кудӥз со огазеськонлэн кивалтӥсезлэн кинюртэменыз юнматэмын;

– коммерциен герӟаськымтэ мерлык огазеяськон но солэн ёзчиосыз сярысь ивортодэтэз вотэсэ поттонлы соглаш луон.

Заявкаосты кутон

Конкурсэ пыриськон понна заявкаос УЭ-ысь йӧскалык политикая министерствоын таӵе адресъя кутӥсько: 426063, Удмурт Элькун, Ижкар, Орджоникидзе урам, 33б. Тел./факс: (3412) 68-77-98 (доб. 204), электрон почта: mail@mn.udmr.ru

Конкурсэ пыриськон понна заявкаосты 16-тӥ оштолэзьысен 08:30 часысен 16-тӥ куарусёнозь 17:30 часозь 2024-тӥ аре Министерствое электрон форматэн но кагаз вылын ваёно.

Министерствоен кутэм заявкаосты берлань басьтыны луоз 2024-тӥ арлэн 16-тӥ куарусёнозяз нимысьтыз гожтэтэн.

Вожвылъяськонлэн ужрадэз

Вожвылъяськонэ келям ужкагазъёс черодэс чакласа эскерисько юнматэм Порядокъя Йӧскалык политикая министерствоен.

Эскерем-чаклам бере Министерство пумкылъян кутэ, тупа-а заявка куронъёслы яке уг тупа.

Ужкагазъёсты кутэмлэсь палэнтонлэн мугез – субсидия курисен ужкагазъёсты сётон вань тупатэм дыръёс ортчем бере. Документъёсты басьтэмлэсь палэнтон письменной амалэн гожтӥське но субсидия курисьлы палэнтонлэсь мугзэ шараям бере 10 нунал куспын келямын луэ.

Пуктэм куронъёслы заякаосты вожвылъяськон ӧрие ыстоно. Ӧрилэн ужез 21 нунал куспын радъяськоз.

Вожвылъяськон ӧри заявкаосты эскере дунъян мертэтъёсъя, куддъёсыз Порядокъя юнматэмын.

Вормисьёсты шараян но йылпумъянъёсты лэсьтон

Вожвылъяськон ӧри вормисьёслэсь лыдметсэс радъя 5 ужан нунал куспын (заявкаосты учкем бере Протокол лэсьтӥське) но сое УЭ-ысь йӧскалык политикая министерствое келя. Министерство протоколэз гожтэм бере куинь нунал куспын «Предоставление субсидий СОНКО» официальной вотэсбамаз сое поттыны кулэ.

Протокол улсын, кудаз вормисьёс шараямын, министерство 5 ужан нунал куспын кулэ пумкылъян куто субсидия сётон пумысен приказ пыр.

Вожвылъяськонлэн йылпумъянъёсыз Министерстволэн официальной вотэсбамаз 14 нунал куспын (вормисьёсты тодэм бере) поттэмын луозы.

Тупанкыл гожтон но субсидия сётон

Министерство 5 ужан нунал куспын Коммерциен герӟаськымтэ мерлык огазеяськонлы (СОНКО) – вожвылъяськонлэн вормисезлы – субсидия сётонлы тупанкыллэсь проектсэ келя.

Коммерциен герӟаськымтэ мерлык огазеяськон (СОНКО) тупанкыл гожтэ но 15 ужан нунал куспын (вормем бере) сое берен министерствое сётыны кулэ.

СОНКО тупанкылзэ кулэ луись дыре берен ӧз ке ысты, юрттэт солы уз сётӥськы, лыдъяськоз, вормись субсидиезлэсь куштӥськиз шуыса. Субсидия басьтонлы тупанкыл «Электронный бюджет» кун ивортодэтъя сӧзнэтын гожтӥське, Россия Федерациллэн финанс министерстволэн куронъёсызъя но кун тайнаез утёнэз лыдэ басьтыса. Со юрттэт УЭ-ысь коньдон ужпумъя министерствоын вормисьлэн усьтэм счётаз понӥське субсидиез тырон графикъя, кудӥз субсидия сётон тупанкылъя юнматэмын.

Субсидия сётонлэн йылпумъянэз

Ӵектосэз улонэ пыӵатон понна субсидия басьтӥсьлы субсидия сётонлэн йылпумъянэз юнматэмын – кызьы коммерциен герӟаськымтэ мерлык огазеяськон улонэ вӧлмытэ Министерствоен сётэм субсидиез; со сяна субсидиез сётонлы куронъёс: возьматоно ӵектосэ пыриськисьёслэсь лыдзэс, площадкаосты (ивор вӧлмытон ёзэсъёсын но вотэсбамъёсын печатламъёсты).

Отчёт пумысен ужкагазъёс

Субсидия басьтӥсьлы кулэ вайыны кагаз вылын 2024-тӥ арлэн 20-тӥ толсурозяз министерствое отчётъя таӵе ужкагазъёс:

– субсидиез улонэ пыӵатэм сярысь йылпумъянъёсын отчёт но лыдпус-тодэтъёс, кудъёсыз кулэ вал субсидиез пайдаё кутон понна;

– субсидиысь уксёез уже кутонъя отчёт, отын ик луыны кулэ ужкагазъёслэн копизы, кудъёсыз коньдонэз шонер кутэм сярысь вералозы.

Герӟаськоно тодэтъёс

Вожвылъяськон ортчон вакытэ вань кылдэм юанъёсъя вазиськыны луэ улӥын сётэм телефон пыр.

Удмурт Элькунысь йӧскалык политикая министерство, 426063, Удмурт Элькун, Ижкар, Орджоникидзе урам, 33 б.

Телефон: (3412) 68-77-98 (доб. 204).

Электрон почта: mail@mn.udmr.ru