2-тӥ южтолэзе Юкаменск ёросысь «Тылыс» туризмъя огъетын Вӧйдыр шулдыръяськон (0+) радъямын луоз. Таяз аре ужрадлэн валтӥсь темаез – ӟуч калык выжыкыл.

Шулдыръяськонэ муниципал кылдытэтъёсысь адямиос ӧтисько. Соослэн дэменлыкъёссы быгатонлыкъёссэс валтӥсь сцена вылын возьматозы, озьы ик луонлык вань пӧртэм радъям вожвылъяськонъёсы пыриськыны. Сиён-юонлы сӥзем площадкаосын куноос ческыт Вӧйдыр сиёнъёсты веръялозы.

Шулдыръяськонъёс праздниклэн валтӥсь темаезлы сӥземын луозы. Ортчытэмын луоз «Растяни меха гармошка» вожвылъяськон. «Три богатыря» площадкаын ас кужымъёссэс мертталозы, «Веснянка прекрасная» вожвылъяськонын Веснянкалэсь дэремзэ адӟытозы. Нош «Сказочные превращения» вожвылъяськонын ӟуч калык выжыкылысь геройёслэсь образъёссэс возьматозы. «Маслёна-краса» нимо адӟытон-вожвылъяськон дасямын луоз на, тужгес но усто Вӧйдыр мунё-сульдэръёсты адӟыны луоз.

Ужрадэз радъяло УЭ-ысь йӧскалык политикая министерство, элькунысьтымы Ӟуч лулчеберетъя огазеяськон, Калыкъёслэн Эшъяськон юртсы но Юкаменск ёрослэн Администрациез. Адямиослэн та ужрадэ пыриськемзы лулчеберетэз утёнлы но азинтонлы юрттоз, со «Семья» йӧскалык ӵектослэн азьмугъёсызлы тупа.