Кенешонэ пыриськозы йӧскалык-лулчеберетъя огазеяськонъёслэн кивалтӥсьёссы, УЭ-ысь йӧскалык политикая министерствоысь но Калыкъёслэн Эшъяськон юртысьтызы ужасьёс.

Ужрадын:

– элькунысь этноконфессия кусыпъёс пумысен ивортодэт;

– школаосын терроризмлэсь но экстремизмлэсь утиськонъя профилактика;

– коммерциен герӟаськымтэ огазеяськонъёслэн огмуртъёссылы ӵектос сессия;

– коммерциен герӟаськымтэ огазеяськонъёсты катрадлыкысь СОНКО удысысь выль воштӥськонъёс сярысь ивортон.

Озьы ик ортчоз «По родному краю» йӧскалыккуспо концерт. Со сяна, пыриськисьёслы экскурсия ортчытозы Воткакарын П.И. Чайковскийлэн музей-усадьбаяз, 2025-тӥ арын быдӟым крезьгурчилэсь 185 ар тырмонзэ пусъёзы.

УЭ-ысь йӧскалык политикая министерство бадӟым уж нуэ Россия Федерациысь кун йӧскалык политикалэн Стратегиезлэсь ужпумъёссэ Удмурт Элькунысь муниципал кылдытэтъёсы вӧлмытон пумысен.