Таяз аре вожвылъяськон кыкетӥ ползэ ортчиз ни. Асьсэлэсь ужъёссэс возьматӥзы Удмурт Элькунысь пӧртэм каръёсысь но ёросъёсысь 42 дышетскисьёс.

Конференцилы таӵе ӧръёсъя ужъёс дасямын вал: «Шаертодон», «Адями но дунне», «Инкуазь».

Асьсэ ӧрзыя вормисе потӥзы:

– Ксения Глазкова (Алнаш ёрос) пӧртэм гуртъёсысь пасха сямъёс сярысь уженыз;

– Николай Вахрушев (Шаркан ёрос) – вань-а пайдаез кечлэсь гурт котырын;

– Ульяна Евдокимова (Алнаш ёрос) – Семён Виноградовлэн удысбурез сярысь;

– Валенсия Абрамова (Алнаш ёрос) – семьялэсь вашкала ужкагазъёссэ эскериз.

Нылкышно кенеш огазеяськонлэн кивалтӥсез Елена Миннигараева вера: «Элькунын бадӟым классъёсын дышетскись пиналъёслы удмурт кылын тодосъя конференциос ортчытӥсько. Шоръёзо классъёсын дышетскисьёслэн но мылкыдзы ӝутӥськиз таӵе ужрадъёсы пыриськины. Таин сэрен ми сое мылысь-кыдысь радъямы, гимназия юрттэмен пӧрмиз зэмос шулдыръяськон – нылпиос понна «Чебеляй», «Крезь куара» ансамблъёс кырӟазы».

«Удмурт нылкышно кенеш» огазеяськон та ужрадлэн радъясез луэ.