Куинь нунал куспын пыриськисьёс шудӥзы-ӵошатскизы спорт, творчество но интеллектуал удысъёсын.

Со сяна, слётлэн валтӥсь ужрадэзлы пӧрмиз Владимир Стрелковлы сӥзем мемориал пулэз усьтон. Со Эграысь 5-тӥ номеро школаез йылпумъяз, но жаляса верано, нимысьтыз военной операциын быриз.

Слетэ пыриськиз Удмурт Элькунысь 8 дышетон ужъюртъёсысь 100 мурт. Асьсэлэсь командазэс возьматӥзы Ижкар, Глаз, Балезино, Игра ёросъёс.

Эгрысь 5-тӥ номеро школалэн директорез пусйиз, кадетъёслэн слётэ дасяськонзы пӧртэм ужъюртъёсысь усточиосты огазеяз шуыса. Со вераз: «Та ужрадэз пӧртэм удысъёсысь ӧнерчиос дасязы. Вань ёзсӧзнэтъёслэн умой ужамзы бере, слёт огкылысь ортчиз. Вань малпам ӵошатсконъёс но ужрадъёс дырыз дыръя радъяськизы. Бадӟым тау командаослэн кивалтӥсьёссылы, кудъёсыз кадетъёссэс слётлы рос-прос дасяны быгатӥзы. Пиналъёс выль тодон-валан басьтӥзы, асьлэсь быгатонлыкъёсэсс возьматӥзы, выль эшъёс шедьтӥзы».

Ӵошатсконлы йлпумъянъёс лэсьтыса, покчи арлыдо группаос пӧлысь вормисе потӥзы:

1-тӥ инты – Эграысь 5-тӥ номеро ШОШ-ысь команда;

2-тӥ инты – Эграысь 5-тӥ номеро ШОШ-ысь «Казачата» нимо команда;

3-тӥ инты – Эграысь 4-тӥ номеро ШОШ-ысь «Патриот» нимо команда.

Бадӟым арлыдо группаос пӧлын:

1-тӥ инты – Эграысь 5-тӥ номеро ШОШ-ысь «Дружина» нимо команда;

2-тӥ инты – Пибаньшурысь шоръёзо школаысь «Арсенал» нимо команда;

3-тӥ инты – Эграысь 5-тӥ номеро ШОШ-ысь «Гвардейцы» нимо команда.

Ӟечкыласьком пиналъёсты но дышетӥсьёсты! Оскиськом, азьланяз ваньзы бадӟым вормонъёс басьтозы, озьыен, таӵе ужрадъёсы пыриськыны мылкыдзы эшшо но будоз.