2016-тӥ арын Ӟуч лулчеберетъя Удмурт Элькунысь мерлыко огазеяськон котырес лыдпуссэ пусъе. Туэ солы кылдэм дырысеныз 25 ар тырме.

Та лыдпуслы сӥзьыса, 25-тӥ тулыспалэ Калыкъёслэн Эшъяськон юртазы бадӟым люкаськон радъямын луоз. Татчы пыриськозы огазеяськонлэн котькуд ёзэтэзлэн азьветлӥсьёсыз, огъя 200-лэсь ятыр адями луоз.

Валтӥсь ужпум, кудзэ эскерозы форуме люкаськемъёс – ӟуч калыклэсь лулчеберетсэ улӟытон, утён, азинтон но вӧлмытон. Котырес лыдпуслы сӥзем ужрад бадӟым концертэн йылпумъяськоз.

Ужрадъясьёс: Ӟуч лулчеберетъя Удмурт Элькунысь мерлыко огазеяськон, Удмурт Элькунысь йӧскалык политикая министерство, Калыкъёслэн Эшъяськон юртсы.