Удмурт Элькунысь муниципал кылдытэтъёсын Россия Федерациысь кун йӧскалык политикая Стратегиез азинтон улсын, йӧскалык политикая министерство 28-тӥ куарусёнэ Вавож ёросын «Миннацлэн нуналъёсыз» ужрад радъялоз.

Таӵе ужрадъёс ортчытъян дыръя муниципал кылдытэтъёсты министерстволэн уженыз, Кун йӧскалык политикалэн Стратегиезлэн ужпумъёсыныз тодмато. Дышетон семинаръёс, тематической но проектной секциос ортчыто, улосчиосын нимысьтыз пумиськон радъяло.

Кенешонын дышетӥсьёслы, завучъёслы, анай-атайёслы терроризмен но экстремизмен нюръяськонъя ивортодэтэн вераськонъёс дасямын.

Валтӥсь пленарной люкаськем бере дышетон ужъюртъёсысь ӧнерчиослы лекция нуозы Удмурт Элькунысь Тӧролэн но Кивалтэтлэн Администрациезлэн терроризмлы пумит ужез радъянъя ёзэтлэн кивалтӥсез Олег Кузнецов но солэн воштӥсез Ольга Меркушева.

Коммерциен герӟаськымтэ Вавож ёрослэн огазеяськонъёсысь огмуртъёслы, грант вожвылъяськонъёслэсь пӧртэм куронъёссэс лыдэ басьтыса, озьы ик Президентлэн фондысьтыз грант вожвылъяськонъёс, проектной заявкаосты эскеронъя семинар ортчытэмын луоз. Секциез нуоз Лариса Князева, Калыкъёслэн эшъяськон юртысьтызы ӧнерлыко ужась но тренер.

Удмурт Элькунъя коммерциен герӟаськымтэ огазеськонъёслэн Минюстысьтыз кивалтэтлэн тӧроез Анна Сунцова «ликбез» ортчытоз но коммерциен герӟаськымтэ огазеськонъёслэн эрикрадъя ужамзы сярысь юанъёсты сэрттоз-пертчоз.

Министр калыкен нимысьтыз пумиськон радъялоз. Вань мылкыд карисьёс Эдуард Петровлы, Удмурт Элькунысь йӧскалык политикая министрлы, сюлмаськытӥсь юанъёссэс сётыны быгатозы.