Ужез утён – ужан вакытэ ӧнерчиослэсь улонзэс, тазалыксэс но ужаны быгатонлыксэс утёнъя нимысьтыз сӧзнэт. Татчы пыро эрикрадэз утёнъя, мерлыкъя но экономикая, ужез радъянъя, техникая, санитар-гигиеная, йӧнатонъя, профилактикая но мукет ужрадъёс.

Та нуналэ ужез утёнлы сӥзем форумъёс, котырес ӝӧкъёс, адӟытонъёс, конференциос ортчо, ӧнерчиос докладъёссэс лыдӟо, отын ужпӧрез рационализировать карон сярысь, валантэм югдуръёсты сэрттон-пертчон сярысь верасько.

Удмурт Элькунысь мерлыко политикая но ужъя министерство Ужез утёнлэн ваньдунне нуналэзлы сӥзьыса Дэмланъёс-рекомендациос дасяз.

Пыр-поч Министерстволэн вотэсаз.