Библиын верамын, 7-тӥ оштолэзе утись кылчинъёс Инмар анайлы ивортӥллям укмыс толэзьскын солэн нылпиез вордӥськоз шуыса. Соин ик дауръёс ӵоже Армениын та нуналэ пусъё Кышномуртлэсь, Анайлэсь нуналзэ. Та нуналэ воргоронъёс ӟечкылало асьсэлэсь анайёссэс, кышнооссэс, апай-дыдыоссэс но яратоно адямиоссэс.

Элькунамы улӥсь арямнъёс но та нуналэз пусъё арлы быдэ. Туэ но соос люкаськозы 6-тӥ оштолэзе Калыкъёслэн Эшъяськон юртазы асьсэлэсь анайёссэс данъян понна. «Урарту» огазеяськонлэн ёзчиосыз люкалозы татчы 60 ареслэсь бадӟым кышномуртъёсты, вералозы соослы ӟеч кылъёссэс, кузьмалозы кузьымъёссэс, егитъёс возьматозы концерт.

Ватсаса ивортэт басьтыны луэ таӵе телефонъя: 8 919-905-51-51 – Аракелян Мнацакан Миружанович, «Урарту» огазеяськонлэн кивалтӥсез.