Туннэ Удмуртиысь школа но театр дэменлыкъёс Юнда черкогуртысь улӥсьёслы но кунооссылы бадӟым шулдыръяськон лэсьтӥзы. Пӧртэм калыкъёсысь луись дышетскисьёс – Глазкарысь но Балезино ёросысь удмуртъёс, бигеръёс, бесерманъёс асьсэ анай кылынызы быгатонлыкъёссэс возьматыны лыктӥзы. Возьматонъёссы калыксылэн сям-йылолъёссылы сӥземын вал.

Фестивальлэн нимыз Анисия Николаевнаен, элькунмылэн дано мерлык ӧнерчиеныз герӟаськемын. Со вал нырысетӥез, кудӥз анай кылын, аслаз берыктэмезъя, спектакль пуктӥз – «Ваньмыз со бордӥсь потэ» Л.Н. Толстойлэн «От ней все качества» пьесаезъя. Тау шуиськомы «Атай» бесерман лулчеберетъя фондлэн кивалтӥсезлы Алексей Караваевлы, мыло-кыдо тыршисьлы Юн Надилы но озьы ик Бесерман калык мерлыкысь вань огмуртъёслы, фестивале пыриськисьёслы, дышетӥсьёслы – бесерман кылэз но лулчеберетэз пиналъёс пушкын вӧлмытэмзы понна.

Тодэ вайытом, «Атай» Фондлэн куремезъя 7-тӥ инвожое 2022-тӥ аре УЭ-ысь Кун Кенешын 41-тӥ черодтэм кенешонын депутатъёс «О праздничных днях и памятных датах Удмуртской Республики» Катэ воштонъёс пыртӥзы. 17-тӥ толсур выль вунонтэм нунал луиз. Та нуналэ вордӥськиз Анисия Николаевна Урасинова.