25-тӥ куарусёнысен 15-тӥ коньвуонозь 2024-тӥ аре «Культура для школьников» лулчеберетъя но дышетонъя ӵектос улсын А.С. Пушкинлэн 225 ар тырмонэзлы сӥзем «Во славу русского гения» россиякуспо акция ортчоз.

Александр Сергеевич Пушкин — быдӟым сӥё-дано кылбурчи но туала ӟуч литература кылэз кылдытӥсь. Ӟуч лулчеберет понна со пыраклы кылёз тужгес но бадӟымез луись мурт луыса. Ваньмы асьмеос та дано кылбурчиен пичи дырысенымы ик тодматскиськом – «Чорыг но чорыгась сярысь выжыкыл» («Сказки о рыбаке и рыбке»), собере кылбуръёссэ дышетӥськом, пьесаоссэ но проза ужъёссэ лыдӟиськом. Туэ арын А.С. Пушкинлы 225 арес тырмиз.

Быдэс Росииысь дышетскисьёс вожвылъяськонэ пыриськыны, асьсэ быгатонлыкъёссэс пӧртэм номинациосъя возьматыны быгатозы:

1. «Пушкин но театр» (кылбурчилэн гожтосъёсызъя пуктэм театр постановкаос, спектальёсысь люкетъёс). Кызьы дасяны но келяны ужез: AVI, MP4, 3GP, MPEG амалъёсын 20 минутозь видеороликез «Яндекс диск» платформае интыяно но ужлэсь ссылказэ заявка пушкы пыртоно.
2. «Пушкинлы сӥзем лыдӟонъёс» (А.С. Пушкинлэсь гожтосъёссэ лыдӟон). Кызьы дасяны но келяны ужез: AVI, MP4, 3GP, MPEG амалъёсын 5 минутозь видеороликез «Яндекс диск» платформае интыяно но ужлэсь ссылказэ заявка пушкы пыртоно.
3. «Выль дауре но Пушкин милемын» («И в новом веке Пушкин с нами») (быдӟым поэтлы но солэн кыӵе ке ужезлы сӥзем аслэсьтыд малпаъёстэ гожтон). Кызьы дасяны но келяны ужез: Word амалэн 3 бамозь кылкуэтэз заявка пушкы пыртоно.
4. «Пушкин живописьын» (А. С. Пушкинлэн портретэзъя туссуред яке кыче ке гожтосэзлы сӥзем суред). Кызьы дасяны но келяны ужез: одӥг суредэз JPEG амалэн заявка пушкы пыртоно.

!!!Сак луэ!!! Одӥг ужлэсь тросгес лэземды ке потӥз — выль заявка кылдытоно!

Ужез дасяны луэ одӥг яке тросгес сётэм номинациосъя (котькуд пинал 3 яке ӧжытгес уж келяны быгатэ), со понна 25-тӥ куарусёнысен 15-тӥ коньвуонозь 2024-тӥ аре Культура для школьников.рф. порталын заявка кельтоно.

Акция йылпумъяськем бере жюри 50 вормисьёсты быръёз, соослэн ужъёссы Культура для школьников.рф. порталын печатламын луозы.

Егитъёсты огазеян, асьме кунмылэсь узыр лулчеберетсэ эскерон, таланто нылпиослы юрттэт сётон – «Культура для школьников» лулчеберетъя но дышетонъя ӵектослэн валтӥсь ужпумъёсыз. Проектэз Россиысь лулчеберетъя но калыкез дышетонъя министерствоос улонэ вӧлмыто, озьы ик РОСКУЛЬТПРОЕКТ кивалтэт но Россиысь лулчеберетъя фонд.

Ӵектослэн акциосыз одно ик мед сӥземын луозы нылпиослэсь асьсэ интызэс шедьтонлы, кунмылэсь паймымон лулчеберетсэ гажанлы.