УЭ-эн Тӧроез арлы быдэ ортчись Меӵак линиын УЭ-ысь Туризмъя министерствоен кылдытэм Элькун ужрадъёсын дырпусэз (календарь) адӟытӥз.

«Ужрадъёсын дырпус – яркыт, йӧскалык шӧмын: дӥськут, сиён-юон, тунсыко интыос. Ужрадъёс, одно ик элькунын улӥсь калыкъёслэсь лулчеберетсэ адӟытозы но вӧлмытозы», – пусйиз отметил Александр Бречалов.

Элькун ужрадъёсын дырпус туризмъя ужбергатонлы но нимысьтыз адямиослы Удмуртиез адӟытыны юрттэ, тужгес но бадӟым ужрадъёсты кельтытэк.

«Удмуртская Республика. Событийный календарь-2026» нимо журналэз туризмъя ужъюртъёсын шедьтыны луэ ини («Ижкар» аэропортын, кунокуаосын (гостиницаосын), шутэтскон базаосын, музейёсын но туризмъя огъетъёсын). Этнодырпуслэн электрон амалэныз тодматскыны луэ УЭ-ысь туризмъя порталын https://clck.ru/3QdcJ4 но УЭ-ысь Туризмъя министертсволэн вотэсбамысьтыз https://clck.ru/3QdcLU.

Элькун ужрадъёсын дырпус йӧскалык кухнялы, фольклорлы, историлы сӥзем фестивальёсы ӧте. Соос пӧлын – «Быг-быг» (0+) йӧскалык кухняя фестиваль, Элькун Гербер (0+), «Эктоника/Бабушкина дача» фестиваль (0+), Элькун Вӧйдыр (0+), Элькун Сабантуй (0+).

Нимысьтыз Удмуртилэн Тӧроез «Пельняньлэн дунневыл нуналэз» (0+) фестивале ӧтиз.

«2025-тӥ арын ми нырысьсэ пельнянь фестивалез толшоре ортчытӥм, азьло котьку тулыспалэ радъяськом вал. Ужрадлэн нырысетӥ нуналаз ик, 2-тӥ толшоре, Шор площадьын 15 сюрс адями люкаськиз! Валамон луиз, фестивалез Выль ар шутэтскон нуналъёсы ортчытон – шонер ужпум. 2026-тӥ аре толшоре «Пельняньлэн дунневыл нуналэз» 8 нунал ӵоже ортчоз, 2-тӥ толшорысен 9-тӥ толшорозь», – валэктӥз Александр Бречалов.

Ватсалом, Элькун ужрадъёсын дырпуслэсь (0+) шуркынмонэ ортчытэм онлайн амалэн адӟытонзэ Россиысь 370 сюрслэсь адями учкиз ини.