Та сярысь УЭ-лэн Тӧроез Александр Бречалов «О положении в республике» арлы быдэ ортчись докладын вераз. Ӟечлэсьтӥсьёслэн, Ижкар но Удмурт Епархилэн, вань вӧсяськисьёслэн юрттэменызы нырысетӥ Ымусьтон уй вӧсяськон ортчиз Воткакарысь выльдэм Благовещенской соборын 7-тӥ толшоре уйин.

«Кинъёс юрттэткузьым лэсьтӥзы – со трос йӧскалыкъем адямиос, трос мусульманъёс. Со эшшо огпол возьматэ, кыӵеесь гинэ милям осконмы, йӧскалыкмы медаз лу, вань сыӵе ужъюгдуръёс, кудъёсыз милемыз огазеяло. Зэмзэ ик, 2023-тӥ арын Благовещенской собор сыӵе объект луиз», – вераз Александр Бречалов.

Тодэ вайытом, татын 1840-тӥ аре куартолэзе тодмо ӟуч крезьгурчиез Пётр Ильич Чайковскиез пылатӥзы. Черкын священномученик протоиерей Николай Чернышевский службазэ нуиз. Солэн но Варвара мученица нылызлэн мощиоссы соборын интысько. Совето вакытысь трос мукет черкъёс сямен ик, собор пӧрмылӥз Ленин нимо лулчеберетъя юртлы но, кинотеатрлы но.

2001-тӥ арын гинэ черкез Ӟуч Православной Черклы берыкто, Благовещенской соборез тупатъяны кутско 2006-тӥ арысен. 2021-тӥ арын Удмуртилэн Тӧроезлэн Александр Бречаловлэн косэмезъя Благовещенской соборез тупатонъя попечительской совет кылдытэмын.