Алнаш ёросысь Усоысь но Писэйгуртысь школаосы цифровой панельёс вуизы. Дышетскисьёс соосын мыло-кыдо ужаны кутскизы ини анай кылъя урокъёсын.

2024-тӥ арын 5 ёрос быръемын, кудъёсыз юрттэт басьтӥзы: Вавож, Дэри, Пичи Пурга, Шаркан, но Алнаш ёросъёс. Валтӥсез курон – этнокультура удысын нылпиослэн лыдзы. Та ужрадлы 3 миллион манет висъямын Удмуртиысь кун но элькунысь мукет калыкъёсызлэсь кылъёссэ утён, дышетон но азинтон кун программа улсын. «О положении дел в республике» арлы быдэ докладаз УЭ-лэн Тӧроез Александр Бречалов ивортӥз, тӥрлык школаосы вуылыны кутскиз ини шуыса.

Программа 2025-тӥ арын азьланьтӥськоз. Тӥрлыкъёс анай кылъя кабинетъёсы элькунлэн муниципалитетъёсысьтыз выльысь быръем школаосы вуылозы.