7-тӥ тулыспалэ Удмурт Элькунысь бигер егитъёслэн «Иман» огазеяськонзы анай-атайёсынызы пумиськон ортчытоз.

Та нуналэ Калыкъёслэн Эшъяськон юртазы егитъёс ӧтёзы асьсэлэсь анай-атайёссэс, песянай-песятайёссэс. Пумиськонлэн валтӥсь меретэз – огазеяськонлэн уженыз тодматон.

Пумиськон радъяськоз матысь адямиосын дорын пукон-вераськон форматэн. Ужъёсын но ужрадъёсын тодматон сяна, егитъёс анай-атайёссылы «Воспоминания» спектакль пуктозы. Спектакль герӟаны кулэ люкаськемъёсты, угось татын возьматэмын луоз кылем даурсь 70-тӥ аръёсысь егитъёслэн улонзы.

«Иман» огазеяськонлэн кивалтӥсезлэн Гульфия Ахтямовалэн ивортэмезъя, таӵе пумиськон егитъёслэсь арлыдоосты гажамзэсвозьматэ, нош анай-атайёслы нылпиоссылэн тунсыкъяськонъёсынызы, малпанъёсынызы, мерлыко ужъёсынызы мургес тодматскыны луонлык сётэ.

Ужрадъясьёс: «Удмурт Элькунысь бигер егитъёслэн «Иман» огазеяськонзы» мерлыко огазеяськон, Калыкъёслэн Эшъяськон юртсы, Удмурт Элькунысь йӧскалык политикая министерство.