26-тӥ тулыспалысен 2-тӥ южтолэзёзь Удмурт кун университетын радъяськоз «Удмурт кун университетын троскылолыклы сӥзем калыккуспо арня» IX тодос-дышетон форум.

Форуме анай кылъёсты, кунсьӧр кылъёсты дышетонъя ӧнерчиос но тодосчиос, УдГУ-ын ужась кунсьӧрысь студентъёс но дышетӥсьёс, элькунысьтымы дышетон ужъюртъёсысь студентъёс, ӧтем лекторъёс пыриськозы.

Ужрад луонлык сётэ эскерыны, кызьы анай но кунсьӧр кылъёсты кутыса дышетонэз но визьноданэз пайдалыко радъянны луэ. Та ужпумез сэрттон-пертчон влысь, Форум улсын пумиськонъёс, котырес ӝӧкъёс, мастер-классъёс, лекциос, тодослыко выль ужъёсын тодматонъёс, студентъёс но школаын дышетскисьёс понна шутэтскон ужрадъёс ортчытыны чакламын.

Форум улсын ик «Современное языковое образование полиэтнического региона в условиях реализации ФГОС» (74 час) программая быгатонлыкъёсты будэтонъя дышетон радъяськоз. Курсэз ортчемъёслы удостоверение сётэмын луоз.

Ужрадэ ӧтемын школаоысь, сузъёсысь но вузъёсысь дышетӥсьёс, студентъёс, бадӟым классъёсын дышетскисьёс.

Форумлэн ужрадъёсыныз, матералъёсын пыр-поч тодматскыны луоз вотэсбамын https://mnogoyaz2018.conf.udsu.ru/ яке «УдГУ-Лингва» дышетонъя но методикая центрын (310-тӥ ауд., 2-тӥ корп. УдГУ), тел. +7 (3412) 916-267, E-mail: mnogoyaz@yandex.ru.