27-тӥ пӧсьтолэзе Воткинск водохранилище вӧзысь «Медведь» кафеын армян калыклэн «Вардавар» йӧскалык праздникез ортчоз.

Вардавар – вашкала праздник, сӥземын ю-нянь удалтыса будонлы, тупаса улонлы, сьӧлыкъёсты но вожпотонъёсты вунэтонлы. Та нуналэ армянъёс ог-огзэс вуэн пылатъяло, шурез плуген гыро вылэм. Озьы вашкала калык инмарлэсь зорзэ куре вылэм. Нош армянъёс христиан осконэз кутэмзы бере, та нуналэ ог-огеныд тупаса улонэз но пусйыны кутскизы.

Праздниклэн программаез:

– «Голос» крезьгуро программа;

– концерт;

– ву дурын волейболэн шудон, гир ӝуткан, минифутбол, «Папа, мама, я – спортивная семья» ӵошатскон, канат кыскон, эстафета;

-эктонъя вожвылъяськон, «усто хозяйка» ним понна вожвылъяськон.

Празднике лыктозы «Урарту» мерлыко огазеяськонлэн ёросъёсысь ёзэтъёсызлэн азьветлӥсьёсыз, Татарстанысь, Башкортостанысь, Перм улосысь куноос.

Праздник кыстӥськоз 13.00 – 18.00 часозь.

Ватсаса ивортодэт басьтыны луэ таӵе телефонъя: 59-38-11, 8-919-9055151 – «Урарту» мерлыко огазеяськонлэн кивалтӥсез – Мнацакан Миружанович Аракелян.