24-тӥ оштолэзе армян калык тодаз вае кышкыт учырез – 1915-тӥ арын Осман империен 1 500 000 котыр армянъёс быдтэмын вал. Калыкъёс вискын таӵе шимес учыръёс ноку но медаз ни луылэ шуыса, та сярысь вунэтыны уг яра. Соин ик таӵе митинг но арысь аре ортчытӥське. Элькунысьтымы армянъёс люкаськозы Армян черк дорын.

Митингез радъя Удмурт Элькунысь Армянъёслэн “Урарту” огазеяськонзы. Ужрадэ пыриськозы школаосысь дышетскисьёс, ивор волмытись сознэтъёс, мерлыко огазеяськонъёслэн ёзчиоссы.

Ужрад кутскоз 11.30 часэ.

Ватсаса ивор басьтыны луоз та телефонъя: 8 919 9055151, 59-38-11 – «Урарту» огазеяськонлэн кивалтӥсез Аракелян Мнацакан Миружанович.