6-11-тӥ тулыспалэ 2023-тӥ аре Удмурт шаерын укмысэтӥ ползэ радъяськоз котькуд ар ортчись «Всемирный день пельменя» этногастрономической фестиваль. Ужрадлэн валтӥсь площадкаез Ижкарысь Шор площадь луоз.

Удмурт шаер данъяське улосчиосыныз – Петр Чайковскиен, Михаил Калашниковен, Галина Кулаковаен, «Брангуртысь песянайёс»-ын, улосвылъёсысь куноослы йӧскалык кухняез ӵектӥськом веръяны – соос пельнянь сяна, тужгес но ческыт перепечъёсты, зыретэн табанъёсты, виртырем, аръян, улмоен кокрок сиыны быгатозы. Элькунын улӥсьёс инкуазь чеберлыклы синмасько, асьсэ калыксылэсь сям-йылолъёссэ гажало.

Соин сэрен 2023-тӥ арын Пельменфестлэн валтӥсь шормалпанэз – Удмуртилэн «брендъёсыз», удмуртлык, вордскем улосвылэнымы данъяськон. Фестивальлэн слоганэз – «Асьме сямен! Удмурт сямен! Ческыт!».

11-тӥ тулыспал – валтӥсь нунал, со азьын котьку сямен пельняньлы сӥзем арня мыноз, со 6-тӥ тулыспалэ кутскоз. Ужрадэ вуэм куноосты удмурт сиён пӧранъя мастер-классъёсын пельнянь мастерскойёс, Удмуртиысь тунсыко адямиосын тужгес но «пельнянё» интыостӥ экскурсиос, удмуртлык шӧмо пӧртэм ужрадъёс, ДАУР ТВ-ын (удмурт кылын интернет-телеканал) темаосъя рубрикаос возьмало. Быдэс элькунысь кафеос но ресторанъёс «Пельменное меню» акцие итӥсько.

11-тӥ тулыспалэ Ижкарысь Шор площадьын «Пельменный СЪЕСТ» ортчоз, отын луонлык кылдоз пӧртэм пельняньёсты веръяны но удмурт сиён-юонъёсын тодматскыны. Нош кынтэм сиёнэз куноос ярмаркаын басьтыны быгатозы. Озьы ик та нуналэ квестъёс, спортъя вожвылъяськонъёс, фото пуктон интыос радъямын луозы. «Пельменный привет» акция улсын Фестивале лыктэм куноос быдэс дуннеысь быръем люкетаз открытка келяны быгатозы. Нуналлэн пумаз «Годовой запас пельменей» розыгрыш радъялозы.

Пельменьфестэн ӵош озьы ик аватаркаосын, фотомарафонъёсын но муниципал кылдытэтъёсысь командаос куспын творческой вожвылъяськонъёс ортчозы. 2023-тӥ аре программае выль ӵошатсконъёс пырозы: «Пельмем» мемъёсъя но «Пельменные строчки» кылбуретъя ужрадъёс. Пыр-почгес соос сярысь ивортодэт Фестивальлэн вотэсбамаз но мерлык вотэсбамын поттэмын луоз.

Пыр-почгес «Всемирный день пельменя» фестивальлэн программаеныз, мастер-классъёсын но вожвылъяськонъёсын тодматскыны луоз pelmenfest.ru вотэсбамын но vk.com/pelmenfest ВКонтакте группаын.