«Бадӟым удмурт диктант» («Большой удмуртский диктант») (6+) арлы быдэ ортчись акция. Удмуртиын но солэн палэназ диктант 2012-тӥ арысен радъяське. Котькуд ар акция элькунлэсь но удмурт калыклэсь валтӥсь ужпумъёссэ шарая.

Акцилэн радъясьёсыз: «Удмурт Кенеш» мер огазеяськон, «Удмуртия» телерадиокомпания,  Удмурт кун университетысь Удмурт кылосбуръя, финно-угроведениея но журналистикая институт. Ужрад УЭ-ысь йӧскалык политикая министерстволэн юрттэменыз ортче.

2026-тӥ арын диктант 11-тӥ оштолэзе радъямын вал но Россиысь калыкъёслэн огъя луэмзылэн арезлы сӥземын. Диктантлэн нимыз «Куинь полэс эшъяськон», солэн авторез «Удмурт Кенеш» огазеяськонлэн ёзчиез, тодмо мерлык ӧнерчи, гожъяськись Наталья Михайлова.  Диктант калыкъёс куспын эшъяськонзылы сӥземын. Акция оштолэзе очной но заочной амалъёсын ортчиз.

Диктант гожтыны мылкыд каризы элькунысьтымы 29 муниципал но кар округъёс, но озьы ик Башкортостанысь, Татарстанысь, Пермьысь, Кировысь, Марий Элысь но Москваысь улосчиос.

✅218 площадка

✅3235 адями — ужрадэ пыриськиз;

✅2535 адями нимысьтыз дасям площадкаосын гожтӥз;

✅700 адями телевидение но радио пыр гожтӥзы;

✅207 адями 100 баллы гожтӥзы!

Соос пӧлысь тужгес но егитъёсысз вал Глазкарысь Филипп Дюкин, Данэлия Шайдуллина, Константин Габтиев, Альбина Васиуллина, Михаил Шараев, Башкортостан Элькунысь Янаул ёросысь Шудек черкогуртысь Ева Ганиуллина, соослы ваньзылы 7 арес.

Пермь улосысь Чернушка карысь Зинаида Петровна Зиядуллина, 98 аресъем кышномурт тужгес но арлыдоез луиз.

Со сяна удмурт кыллы, удмуртъёслы но калык кусыпъёслы сӥзем тест ортчыны луонлык вал. Со нимысьтыз вотэсбамын пуктэмын вал https://www.udmdiktant.ru/test. Ужрадэ 680 адями адями пыриськиз.