6-тӥ оштолэзе Удмуртиын но мукет улосвылъёсын Бадӟым Удмурт Диктант (БУД) акция радъяськиз, туэ со Семьялэн Арезлы сӥземын вал. «Семьялэн шудэз» диктантлэн текстэз – семья но семьялэсь дунлыкъёссэ утён сярысь.

Диктантэз 167 площадкаосын гожъязы УЭ-лэн 5 каръёсаз но 23 ёросъёсаз. Со сяна акцие пыриськизы Башкортостан, Татарстан элькунъёс, Пермь но Киров улосвылъёс, Москва кар.
Диктантэз телевизор яке радио пыр гожъясьёс ас ужъёссэс 2024-тӥ арлэн 15-тӥ оштолэзёзяз таӵе адресъя келяны кулэ: 426069, Удмурт Элькун, Ижкар к., Песочной ур., 9 («Бадӟым Удмурт Диктант» тодметэн) яке diktant2024@yandex.ru электрон адресъя. Кин диктантэз гожтӥз, дыртэлэ!

Киын гожтэм ужъёсты но туспуктэм, скан карыса ыстэмъёсты умой ӟечлыкъемесь луыны кулэ.

Йылпумъянъёсты тодыны но сертификат басьтыны 21-тӥ куартолэзь бере быгатоды Диктантлэн вотэсбамысьтыз.

Озьы ик ваньдэсты ӧтиськомы Удмуртия сярысь тест ортчыны БУД-лэн https://www.udmdiktant.ru/ вотэсбамаз. Тестэз гожтэм бере йылпумъянъёсын сертификат басьтэмды луоз.

https://vk.com/video-43073775_456252124