Гажано эшъёс, удмурт кылэз но лулчеберетэз яратӥсьёс!

11-тӥ оштолэзе «Бадӟым удмурт диктант» арлы быдэ ортчись акция ортчоз. Туэ со 15-тӥ позэ ни радъямын луоз.

Таяз радэ ужрад Россиысь калыкъёслэн огъя луэмзылэн арезлы сӥземын луоз.

Мар тӥледыз возьма?

Кылкуэтлэн авторез Вань удмуртъёслэн «Удмурт Кенеш» огазеяськонзылэн ёзчиез Наталья Михайлова.

Акция котьку сямен очной но заочной амалъёсын радъяськоз.

Офлайн: вань мылкыд карисьёс понна каръёсын но ёросъёсын нимысьтыз площадкаос усьтэмын луозы Удмуртиын но солэн палэназ. Ижкарын валтӥсь площадка луоз – Калыкъёслэн Эшъяськон юртсы.

Онлайн-трансляция: 13:00 часын «Мынам Удмуртие» радио пыр кылзыса яке «Удмуртия» телеканалэз ӝуатыса диктантэз гожтыны.

Помимо самого диктанта, у всех желающих будет возможность пройти онлайн-тестирование, посвященное удмуртскому языку, народу, проживающему в Удмуртии, и межнациональным отношениям.

Со сяна вань мылкыд карисьёс удмурт кыллы, калыклы, йӧскалык кусыпъёслы сӥзем тест ортчыны луонлык вань. Со нимысьтыз вотэсбамын пуктэмын луоз.

«Бадӟым удмурт диктант» акцилэн радъясьёсыз:

«Удмурт Кенеш» мер огазеяськон, «Удмуртия» телерадиокомпания, Калыкъёслэн Эшъяськон юртсы, Удмурт кун университетысь Удмурт кылосбуръя, финно-угроведениея но журналистикая институт. Ужрад УЭ-ысь йӧскалык политикая министерстволэн юрттэменыз ортче.

Чаклалэ иворъёсты, ӝоген быдэс элькунысь площадкаосты поттомы!