«Бадӟым удмурт диктант» арлы быдэ ортчись акция 12-тӥ оштолэзе очной но заочной амалъёсын радъяськоз. 2025-тӥ арын Бадӟым Удмурт Диктант (БУД) Атыкай музъемез утисьлэн арезлы сӥземын луоз. Та ужрад озьы ик герӟаськемын на Быдӟым Вормонлы 80 ар тырмонэн. Туэ диктантлы текст дасялоз УЭ-ысь Кун премилэн Лауреатэз, РФ-ысь Гожъясьчиослэн но Журналистъёслэн кенешъёслэн ёзчиез Владимир Михайлов.

13:00 часын «Мынам Удмуртие» радио пыр кылзыса, «Удмуртия» телеканалэз ӝуатыса яке нимысьтыз дасям интыосын диктантэз гожтыны луоз.

Площадкаос быдэс Удмуртиын радъямын луозы, нош Удмурт кун университетын тужгес но тунсыкоез площадка ужалоз. Вань нимысьтыз дасям интыосын министерстволэн нимлыко вотэсбамаз тодматскыны луоз.

Со сяна Быдӟым Атыкай ож аръёсы Удмуртилэн историезлы но кылызлы сӥзем тест ортчыны луонлык вань. Со нимысьтыз вотэсбамын пуктэмын https://www.udmdiktant.ru/test. Тестэз ортчем бере, нимысьтыз сертификат басьтыны луоз.

Удмуртиын но солэн палэназ Бадӟым удмурт диктант 2012-тӥ арысен ни радъяське. Ужрадэн пыр-почгес тодматскыны: https://www.udmdiktant.ru.

«Бадӟым удмурт диктант» акцилэн радъясьёсыз – «Удмурт Кенеш» огазеяськон, «Удмуртия» телерадиокомпания, Удмурт кун университетысь Удмурт кылосбуръя, финно-угроведениея но журналистикая институт. Ужрад УЭ-ысь йӧскалык политикая министерстволэн юрттэменыз ортче.