25-26-тӥ тулыспалэ 2015-тӥ аре Башкортостанысь Татышлы но Янаул ёросъёсын удмурт лулчеберетлы сизем нуналъёс ортчизы.

Ужрад ортчиз Удмурт Элькунысь йӧскалык политикая министерстволэн, Калыкъёслэн эшъяськон юртсылэн, Камсьӧр удмуртъёслэн мерлыко огазеяськонзылэн кичолтэмзы улсын.

Ужрадэ пыриськизы нылпи садъёсын ужасьёс, дышетӥсьёс, дышетскисьёс. Удмуртиысь ӧнерчиос удмурт кылэз дышетон удысын выль технологиосын тодматизы. Озьы ик радъямын вал мастер-классъёс, писательёсын но мерлыко огазеяськонъёслэн ёзчиосынызы пумиськонъёс. Элькунысьтымы кун мунё театр нылпиослы удмурт кылын спектакль возьматӥз.