25-26-тӥ оштолэзе Глазкарысь В.Г. Короленко нимо университетын «Бесерман калыклэн кылыз, историез, лулчеберетэз: туала мер но лулчеберето ужъёс» III Россиякуспо конференция радъяськиз. Со Удмуртилэн 105 ар кунлык басьтэмезлы но УЭ-ысь Бесерман калык огазеяськонлы 35 ар тырмонэзлы сӥземын.

Йӧскалык политикая министерстволэн нимыныз люкаськемъёсы ӟечкылаз йӧскалык кусыпъёсты умоятонъя ёзэтлэн кивалтӥсезлэн воштӥсез Анисья Маркова.

Ужрадэ пыриськизы тодосчиос, ёрос администрациосысь огмуртъёс, лулчеберетъя но дышетонъя удысъёсысь ӧнерчиос, музейын ужасьёс, мер ӧнерчиос, вотэсын бесерман огинъёсты нуись администраторъёс. Конференциын дасям докладъёс сӥземын вал бесерман калыклэн кылэзлы, историезлы, литератураезлы, лулчеберетэзлы.

Озьы ик «Бесерманъёслэн лулчеберетсы: вашкалаысен туннэ нуналозь» («Культура бесермян: от истоков до современности») адӟытон радъямын вал. Со сяна, ужрадэ пыриськисьёс но куноос бесерманъёслэн лулчеберетсылы но историзылы сӥзем выль потэм книгаосын тодматскизы.

Глазкарысь «Янчөк» бесерман фольклор коллектив но Юкаменскысь «Өзөк» воргорон фольклор бесерман ансамбль вашкала кырӟан гур крезь возьматӥзы. Вашкала бесерман инструмент бөз (волынка) но шудӥз.

Конференциез радъясьёс – УЭ-ысь йӧскалык политикая министерство, Россиысь тодосъёсъя академилэн Урал ёзэтысьтыз Удмурт Федерал тодослыко центрлэн Историяя, кылъя но литературая удмурт институтэз, Глазкарысь В.Г. Короленко нимо инженеръёсты но дышетӥсьёсты дасянъя кун университет, УЭ-ысь бесерман калыклэн огазеяськонэз, УЭ-ысь Юкаменск ёрос муниципал округ, «Калыкъёслэн Эшъяськон юртсы» УЭ-ысь ужъюртлэн Йӧскалык кусыпъёсъя уйпал луонлыкъёс сётонъя центрез.

Ужрад УЭ-ысь йӧскалык политикая министерстволэн юрттэменыз ортче.