22-тӥ оштолэзе Удмурт кун университетлэн В.А. Журавлев нимо дышетон но тодослыко лыдӟетъюртаз Удмуртын нырысьсэ быдэс Россиын ортчись «Библионочь» акци радъяськоз. Ужрад ортче арлы быдэ, пӧртэм темаослы сӥземын луэ. Туэ со герӟаськемын киноен – «Читай кино».

Акцие пыриськыса тӥ быгатоды : пыриськыны квестэ но лыдӟисьёслы азьвыл пытсам ӧсъёс сьӧры пыраны; филологи тодосъя докторен, УдГУ-ысь профессорен Татьяна Вячеславовна Звереваен кинематография но литература кусыпъёс сярысь кенешыны-вераськыны, тодосчилы юанъёс сётъяны; Михаил Эстринэн ӵош «60 секунд» шудонын визьдэс сынаны; К. С. Ившинлэн кивалтэмез улсын киноафиша лэьтыны дышетскыны; История но социология институтысь студентлэн Антон Лукинлэн куара пуктонъя мастер-классаз пыриськыны; «Мафия» шудонэ пыриськыса, асьтэлэн психотипты сярысь тодыны; асьтэдыз актёрен яке режисёрен эскерыны; яратоно кинодылэн яке книгадылэн героез луыны; «Две дороги» но «Колесо» коллективъёсын ӵош яратоно киноосысьтыды кырӟанъёсты быдэстыны; «Пузкар» но «Узы буры» киноосты учкыны.

Акция кутскоз 22-тӥ оштолэзе 18.00 часэ.

Ужрадъясьёс: Удмурт кун университетлэн В.А. Журавлев нимо дышетон но тодослыко лыдӟетъюртэз, Удмурт Элькунысь йӧскалык лыдӟетъюрт.

Пыр-поч ивортодэт: https://lib.udsu.ru/?mdl=news&id_news=5611286