20-тӥ толсуре Калыкъёслэн Эшъяськон юртазы «Татар доньясы» Элькун вожвылъяськонлэн гала-концертэз ортчоз.

«Татар доньясы» – тазьы нимаське суредъя но туспуктонъя арлы быдэ радъяськись вожвылъяськон. Ужрад ортче «Культура России» (2012-2018 гг.) Федерал программаез быдэстон улсын. Сӥземын вожвылъяськон Удмуртиысь бигеръёслэсь но башкиръёслэсь суредан но туспуктон устолыкъёссэс азинтонлы но вӧлмытонлы, егитъёсты калык узырлыкен тодматонлы но сое дунъяны дышетонлы.

Ужрадэз ортчыто «Бигеръёслэн Удмуртиысь мерлыко центрзы» но «Удмурт Элькунысь бигер нылкышноослэн «Ак калфак» кенешсы» мерлыко огазеяськонъёс.

Концертэ возьмалао котькуд мылкыд карисез. Ужрад кутскоз 11.00 часэ.