«Бигер кыллэн нуналъёсыз» ӵектос радын ортчоз нылпи быгатонлыкъёсты возьматон. Валтӥсь меретъёысыз кудӥзлэн, нылпиосты бигер кылэз дышетонэн тунсыкъяськытон, бигер чеберлыко литератураен тодматон, бигер лулчеберетэз Удмуртиын вӧлмытон, бигер калыклэсь лулчеберетсэ, сям-йылолъёссэ утён но азинтон, калык кусыпъёсты юнматон.

Ужрадэ пыриськозы огъядышетонъя школаосысь, нылпи садъёсысь 5-17 аресъем пиналъёс, мерлыко огазеяськонъёслэн ёзчиоссы.

Ужрадэ пыриськисьёс 3 номинациосъя ӵошатскозы: кылбур лыдӟон, драматургической произведение возьматон, видеофильм дасян.

Пиналъёс бигер гожъяськисьёслэсь война темалы гожтэм кылбурзэс вольыт лыдӟыны дасяськозы, бигер драматургъёслэсь произведенизэс возьматоз, «Хэтер исэн…» («Память жива…») темалы видеофильм лэсьтозы.

Вылӥ верам ужъёсты эскерозы Татарстанысь литераторъёс, Писательёслэн союззылэн ёзчиосыз.

12-тӥ южтолэзе «Спартак» лулчеберет ужъюртын 10.00 часын быръён тур ортчоз. Нош гала-концерт 15.00 часэ кутскоз.

13-тӥ южтолэзе Можгакарын кылбур лыдӟонъя вожвылъяськон ортчоз.