29-тӥ коньывуонэ 2016-тӥ арын Калыкъёслэн Эшъяськон юртазы (Ижкар, Орджоникидзе урам, 33 а) ортчоз Кыккылолыкъя семинар.

Семинаре ӧтиськомы удмурт кылын вераськись анай-атайёсты нылпиосынызы ӵош (нылпи садэ яке 1-2-тӥ классэ ветлӥсьёссэ).

Кутскон дырыз: 11.00 часын (пусйиськыны луэ 10.30 часысен).

Кыстӥськемез: 1,5 час ӵоже (дэмласькомы нылпиостылы воштон пыдкутчан кутыны).

Семинарез радъясьёс: Кыккылолыкъя удмурт центр «Билингва», “Удмурт нылкышно кенеш» мерлыко огазеяськон, Удмурт Элькунысь анай кыллы дышетӥсьёслэн «Выжы» огазеяськонзы, «Вань удмуртъёслэн «Удмурт Кенеш огазеяськонзы» улосвылкуспо мерлыко огазеяськон, «Калыкъёслэн Эшъяськон юртсы» Удмурт Элькунысь коньдэтэн возиськись ужъюрт, Удмурт Элькунысь йӧскалык политикая министерстволэн юрттэмезъя.

Семинаре ӧтем куномы ‒ Лариса Широбокова-Монако, философи тодосъя доктор, кыккылолыкъя ӧнерчи, «Русское слово» школаысь ӟуч кылъя дышетӥсь, куинь кылъем нылпиез будэтӥсь анай (Рим, Италия).

Семинарын анай-атайёс но нылпиос понна радъямын луозы нимаз площадкаос. Анай-атайёсын ужалозы кыккылолыкъя ӧнерчиос, логопед но нылпи психолог. Нылпиос понна радъямын луоз «Шудон корка».

Ивор кутэмын татысь: https://udm.udmbilingva.ru/news/show/bilingva-snova-priglashaet-na-seminar-po-bilingvizmu