2016 арын 30-тӥ толшоре Кузебай Герд нимо удмурт кун йӧскалык гимназиын билингвизмъя (кыккылолыкъя) «Ойдо тодматском!» семинар ортчоз. Та ньыль чаклам семинар пӧлысь ‒ нырысетӥез. Семинарез радъясьёс:

• Удмурт Элькунысь йӧскалык политикая министерство;
• Ивортодэтъя но дышетонъя «Этноресурс» центр;
• Кыккылолыкъя «Билингва» удмурт центр;
• Кузебай Герд нимо удмурт кун йӧскалык гимназия.

Семинаре пыриськозы удмурт кылын вераськись анай-атайёс но соослэн пичи нылпиоссы. Семинар 3 час ӵоже кыстӥськоз. Та дыр куспын анай-атайёсын но нылпиосын удмурт кылъя урок ортчытозы, кытын возьматэмын луозы шудон но коммуникативной дышетон технологиос. Собере соос кык пӧртэм площадкаосын ужалозы. Анай-атайёсын ужалозы кыккылолыкъя ӧнерчиос, психолог но логопед. Нылпиос та вакытэ соос понна радъям пӧртэм ужрадъёсы пыриськыны быгатозы. Семинарлэн мугез но ужпумъёсыз:

• удмурт кылын вераськись анай-атайёсты но нылпиосты нимаз площадкаын огазеян;
• анай-атайёслэн кыккылллык сярысь тодон-валанзэс мертан-чаклан, тужгес лэчыт ужпумъёсты но юанъёсты шараян;
• кыккылллыко семьяослы ӧнерчиосын юрттэт сётон

Материал басьтэмын БИЛИНГВА нимлыко вотэсбамысь