Ваньзылы тодмо луись «Брангуртысь песянайёс» «Татын ваньзы асьмелэн» («Здесь все свои») Радио Гордостьлэн федерал ӵектосаз Удмурт Элькунмы сярысь веразы. Ужрадэ пыриськизы Евгения Косынкина, Екатерина Антонова но Татьяна Четкарева.

Нылкышноос асьсэ гуртсы, улон-вылонзы, шаермы сярысь тунсыко мадизы.

«Татын ваньзы асьмелэн» («Здесь все свои») программа меӵак эфирын «ВКонтакте» но «Rutube» мер вотэсъёсын пото, берло тужгес но тунсыко люкетъёссэ Радио Гордостьын кылзыто.

Патриотизм мылкыдо Радио Гордость Россиысь 47 улосвылъёсысьтыз 83 каръёсаз ивортэ. Кылзӥськисез – 60 миллионлэсь уно. Ӵектос Лулчеберет кичӧлтонъёсъя Президентлэн фондэзлэн юрттэменыз улонэ вӧлме. Ижкарын радио 92,8 FM частотаын ужа. Кылзыны радиоез озьы ик луэ мер вотэсъёсын (Телеграм, ВКонтакте, Одноклассники).