«БУД 4.0 – Новые открытия» дышетонъя программа – со йӧскалык-лулчеберетъя огазеяськонъёсысь егитъёслы, студентъёслы, Удмурт Элькунысь мыло-кыдо пиналъёслы сӥзем ужрад. 11-тӥ – 13-тӥ оштолэзе пыриськисьёслы дышетон ужрад Галина Кулакова нимо комплексын ортчоз.

«БУД» ньыль ар ӵоже ини ортче, котькуд ар выль программа кылдытӥське. Ужрадлэн йылпумъянэз – ӵектосъёс, кудъёсыз Трос йӧскалык луись егитъёслэн нуналазы, 27-тӥ инвожое, адӟытэмын луозы», – пусйиз радъясез Роман Серов.

Ӵектос йӧскалык кусыпъёсты азинтонлы но УЭ-ысь 14-35 аресъем егитъёслэсь патриотизм мылкыдзэс юнматонлы сӥземын. Выль ужрадын куинь ӧр луоз: «Блогинг», «Управление», «Дизайн».

Ӵектос УЭ-ысь йӧскалык политикая министерстволэн юрттэменыз улонэ вӧлме. Выль сезон, выль удысъёс но выль луонлыкъёс: таяз понна Удмуртиысь егитъёсты туж тунсыко программа возьма!

Ужрадэ пыриськон понна онлайн амалэн анкетаез лэсьтыса келяно 31-тӥ южтолэзёзь та чӧлскетъя: https://forms.yandex.ru/cloud/67c6c1ebd04688a09749a936/. Со сяна, «ВКонтакте» мерлыко вотэсбамады кулэ пост поттыны, тӥляд та ӵектосэ пыриськемды потэ шуыса, пусйыны кулэ «БУД»-лэсь огинзэ vk.com/budetno но Калыкъёслэн Эшъяськон юртсэз vk.com/udmddn.

«БУД» но «БУД 4.0 – Новые открытия» дышетонъя центр сярысь пыр-почгес «ВКонтакте» мерлыко вотэсбамын ужрадлэн огиназ: https://vk.com/budetno