13-тӥ куартолэзе Элькунысь ёросъёсын ортчиз «Всероссийский день посадки леса» («Быдэсроссиысь нюлэс мерттон нунал») нимо акция. Та нуналъёсы Элькунамы улӥсьёс юртто нюлэсчиослы выль писпуос мерттыны.

Акцие пыриськизы Йӧскалык политикая министерствоысь ӧнерчиос но министрез воштӥсь Ольга Викторовна Царегородцева. Дэри ёросысь Банное гурт вӧзын Июльское нюлэс возетын пинал пужымъёс мерттэмын вал быдэс дуннее тодмо адямилы, Михаил Тимофеевич Калашниковлы, сӥзьыса.

«Мон туннэ мылысь-кыдысь пыриськи нюлэс мерттонэ. Туж шумпотымон, инкуазез утёнлы таӵе акциос радъясько шуыса. Мон 20 пужым мерттӥ, – вера ас мылкыдзэ Ольга Викторовна. – Оскисько, вань туннэ мерттэм пужымъёсы улозы но бадӟым будозы шуыса».