16-20-тӥ инвожое Шаркан ёросысь Быги гуртын театръя удмурт-фин школа ужалоз. Џектослэн валтӥсь ужпумез – финн-угор калыкъёслэсь кылзэс но лулчеберетсэс удмурт но финн актер мастерство пыр утён но азинтон.

Вить нунал ӵоже финн театрысь актриса Джоанна Хартии, режиссер Паулина Хулкко, документалистъёс Матти Айкио и Эмилия Скарнулитт нылпиослы, быдэ вуымтэослы но арлыдоослы мастер-классъёс возьматозы.

Паулина Хулкко валэктэ: «Милям ужпуммы – Быги гуртын улисьёслэсь удмурт кылэз тодэмзэс, анай кыл сярысь малпанъёссэс театрын шудон пыр эскерон. Ми малпаськомы ужаны пöртэм арлыдо адямиосын. Пичи нылпиосын ужан амалъёс висъясько, шуом, быдэ вуымтэосын яке арлыдоосын ужан амалъёслэсь. Нылпиосын ми тросгес шудомы, быдэ вуымтэосын кылбур, кырӟан гожъяломы, арлыдоосын – улонысь учыръёс бордын ужаломы.

Ар куспын ортчоз 2 семинар. Семинарлы йылпумъянъёс луозы ӵош дасям концертъёс, спектакльёс, возьматонъёс.

«Быги – финн-угор дуннелэн шоркарез» Калыккуспо программалэн оргкомитетэз.