28-тӥ коньывуонэ «ДК Железнодорожников» ужъюртын егитъёслэн калыккуспо «Чак-чак party» акцизы улсын «Чак-чак Байрам — 2017» вожвылъяськон радъяськоз.

Акция Ижкарын улӥсьёсты бигеръёслэн лулчеберетэнызы тодматонлы, сое вӧлмытонлы, егитъёсты бускель калыкъёсты гажаны дышетонлы сӥземын.

Та нуналэ быръемын луоз тужгес но ӟечез, ческытэз, чеберез чак-чак. Егитъёс но нылпиос понна тунсыко площадкаос ужалозы. Ческыт сиёнлы сӥзем вожвылъяськон Удмуртиын 2008-тӥ арысен радъясько ини. Котькуд аре ужрадэ пыриськыны мылкыд карисьёслэн лыдзы йылэ. Туэ шулдыръяськонлэн кабез воштэмын, сое семья праздник выллем ортчытыны малпамын.

Ужрад кутскоз 17.00 часэ.