27-тӥ инвожое Башкортостан Элькунысь Калтасы ёросын Бадӟым Качак гуртын “ЧАКАРА” нимо куатетӥез калыккуспо фестиваль радъяськоз.

Татчы Башкортостанысь, Татарстанысь, Марий Элысь, Комиысь, Пермь, Тюмень, Свердловск, Киров, Ханты-Мансийск улосъёсысь, Москваысь но Санкт-Петербургысь усточиос люкаськозы. Со сяна, эстониысь но коллектив вуоз. Фестивальлэн программаез узыр но паськыт. Куноос тодматозы асьсэлэн костюмъёсынызы, сям-йылолъёсынызы, кырӟан-эктонъёсынызы, киужъёсынызы. Туэ фестивальынтуала удмурт кырӟанъёсты быдэстӥсьёс пӧлын вожвылъяськон радъямын луоз на .

Озьы ик фестиваль радын ортчоз котырес ӝӧк. Татчы пыриськозы улосъёсысь мерлыко огазеяськонъёслэн кивалтӥсьёссы. Соос кенешозы удмурт кылэз но лулчеберетэз улосъёсын утён но азинтон сярысь.