26-27-тӥ оштолэзе Ижкарын ортчоз V Улосвылкуспо фольклор фестиваль “Удмуртъёслэн вашкала гуръёссы “Чакара”.

Фестивалез радъяло: Камсьӧр удмуртъёслэн центрзы, Вань удмуртъёслэн “Удмурт кенеш” огазеяськонзы, Удмурт Элькунысь йӧскалык политикая министерство, Калыкъёслэн эшъяськон юртсы.

Фестивале пыриськозы Татарстан, Башкортостан, Марий Эл, Свердловск, Томск, Киров, Перм улосъёсысь но Удмуртиысь удмуртъёслэн фольклор коллективъёссы. Лыктэм коллективъёсты дунъялоз жюри, бӧрысь тужгес но зол коллективъёс ӧтемын луозы удмурт лулчеберетлы сӥзем фестивале, кудӥз ортчоз 2014-тӥ арлэн пумаз, толсур толэзе.

Фестивальлэн программаез:

26-тӥ южтолэзь :

16.00 – 19.00 -«Удмуртия» книгапоттонилэн но Чеберлыко киужъёсъя но ӧнеръёсъя центрлэн адӟытонзы.

17.00 – 20.00 – Гала-концерт

27-тӥ оштолэзь:

09.00 – 11.00 – Котырес ӝӧк. Пыриськозы: УЭ-ысь йӧскалык политикая министерствоысь, УЭ-сь дышетонъя но тодосъя министерствоысь ӧнерчиос, Вань удмуртъёслэн “Удмурт кенеш”огазеяськонзылэн ёзчиосыз, ( УЭ-сь йӧскалык политика министерстволэн кенешон бӧлетэз, 2-тӥ этаж).

09.00 – 12.00 – Коллективъёслэн кивалтӥсьёссылы семинар. Вокалъя, костюмъёсъя но хореография мастер -классъёс (Калыкъёслэн эшъяськон юртсы, 3-тӥэтаж).

09.00 – 12.00 – Коллективъёслэн ёзчиоссылы радъямын луозы: фотосессия, кырӟанзэс гожтон, Ижкарен тодматскон экскурсия.

Ватсаса ивортодэт басьтыны луоз: т. (3412) 63-10-26, 63-10-81 – Прокопьев Андрей Николаевич, Калыкъёслэн эшъяськон юртсылэн калыккуспо но финн-угор кусыпъёсъя ёзэтэзлэн кивалтӥсез.

Группа ВКонтакте: https://vk.com/feschakara2014